.png)
Khutbah I
اَلْحَمْدُ للهِ، اَلْحَمْدُ للهِ الَّذِيْ جَعَلَ الْأُسْرَةَ الْمُسْلِمَةَ مَهْدًا لِتَرْبِيَةِ الْأَجْيَالِ. وَأَشْهَدُ أَنْ لَا إِلٰهَ إِلَّا اللهُ وَحْدَهُ لَا شَرِيْكَ لَهُ، الْكَبِيْرُ الْمُتَعَالِ، وَأَشْهَدُ أَنَّ سَيِّدَنَا وَنَبِيَّنَا مُحَمَّدًا عَبْدُهُ وَرَسُوْلُهُ، الْمَبْعُوْثُ بِحُسْنِ الْمَقَالِ وَالْفِعَالِ.
اَللّٰهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ خَيْرِ الصَّحْبِ وَالْآلِ.
أَمَّا بَعْدُ، فَيَا عِبَادَ اللهِ، أُوْصِيْكُمْ وَنَفْسِيْ بِتَقْوَى اللهِ عَزَّ وَجَلَّ، اِتَّقُوا اللهَ حَقَّ تُقَاتِهِ وَلَا تَمُوْتُنَّ إِلَّا وَأَنْتُمْ مُسْلِمُوْنَ. قَالَ اللهُ تَعَالَى فِي الْقُرْآنِ الْكَرِيْمِ: بِسْمِ اللهِ الرَّحْمٰنِ الرَّحِيْمِ. يَا أَيُّهَا الَّذِينَ آمَنُوا قُوا أَنْفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ.
**Jamaah shalat Jumat ingkang minulyo, hafidzakumullah,**
Langkung rumiyin, monggo kulo lan panjenengan sedoyo sami ngaturaken raos syukur dumateng ngarsanipun Gusti Allah swt, ingkang tansah paring pinten-pinten kenikmatan, utaminipun nikmat iman, Islam, lan ugi kesehatan. Saking mimbar meniko, khatib tansah wasiat, khususipun dumateng dhiri pribadi lan umumipun dumateng panjenengan sedoyo: monggo kulo lan panjenengan tingkataken iman lan takwa dumateng Gusti Allah swt kanti nindakkaken perintahipun lan nebihi sedoyo laranganipun.
**Sidang Jumat ingkang dipun mulyakaken dening Allah,**
Wekdal meniko kulo lan panjenengan taksih wonten ing wulan Dzulhijjah, utawi ingkang asring dipun sebat tiyang jawi meniko *Sasi Besar*. Menawi kito nyebut Sasi Besar utawi Dzulhijjah, temtu kulo lan panjenengan kemutan cariyosipun setunggal kekasih Allah, inggih meniko Nabi Ibrahim as.
Saking kaluwarganipun Nabi Ibrahim, Siti Hajar, lan putranipun Nabi Ismail as, kulo lan panjenengan saged sinau kados pundi carane mbangun keluarga ingkang tangguh. Wonten pelajaran penting ingkang saged dipun pendet saking keluarga Nabi Ibrahim, utaminipun ing babagan ndidik yoga (anak):
**Ingkang kaping pisan: Tauhid lan Tawakkal dumateng Gusti Allah.**
Nalika Nabi Ibrahim dipun perintah dening Allah supados ninggalaken garwanipun (Siti Hajar) lan putranipun (Ismail) wonten ing lembah Makkah ingkang gersang, mboten wonten toyo nopo malih tetuwuhan. Siti Hajar kanti mantep ngendika, *"Menawi meniko perintahipun Allah, Gusti Allah mboten bakal nyia-nyiakan kulo lan anak kulo."*
Jamaah sekalian, niki conto tawakkal ingkang luar biasa. Minangka tiyang alit ingkang sabendinane nyambut gawe ning sawah, dadi buruh, utowo dagang, kadang rejeki niku krasa angel. Nanging menawi kulo lan panjenengan ikhtiar kanti cara ingkang halal, yakinlah bilih Gusti Allah mboten bakal nilaraken kito. *Gusti Allah mboten sare.*
**Ingkang kaping kalih: Ikhtiar kanti kerja keras.**
Siti Hajar yakin Gusti Allah bakal nulungi, nanging piyambake mboten namung meneng. Nalika bayi Ismail nangis ngelak, Siti Hajar mlayu saking Bukit Shafa menyang Bukit Marwah ngantos kaping pitu pados toyo lan pitulungan. Meniko tulodho bilih kagem nyukupi kabutuhan kaluwarga lan nyekolahaken putra-putri, kedah dibarengi kalih usaha, *banting tulang, peras kringet*.
**Ingkang kaping tigo: Ndidik lare kanti Agama minangka Solusi.**
Puncak ujian kagem keluarga Nabi Ibrahim inggih meniko naliko Gusti Allah paring perintah supados mbeleh putranipun, Nabi Ismail. Nabi Ibrahim mboten langsung meksa utawi mbentak, nanging ngajak musyawarah. Gusti Allah ngrekam wonten ing Surat As-Saffat ayat 102:
قَالَ يَا بُنَيَّ إِنِّي أَرَىٰ فِي الْمَنَامِ أَنِّي أَذْبَحُكَ فَانْظُرْ مَاذَا تَرَىٰ
*"Ibrahim ngendika: Le, anakku, sak temene bapak diwenehi ngimpi karo Gusti Allah kudu mbeleh awakmu. Coba piye panemumu (pendapatmu)?"*
Lare ingkang dididik kanti agama ingkang kuat, jawabane Nabi Ismail ugi luar biasa:
قَالَ يَا أَبَتِ افْعَلْ مَا تُؤْمَرُ ۖ سَتَجِدُنِي إِنْ شَاءَ اللَّهُ مِنَ الصَّابِرِينَ
*"Ismail njawab: Duh Bapak, monggo dipun lampahi nopo ingkang dados perintahipun Gusti Allah; Insya Allah bapak bakal manggihi kulo kalebu tiyang-tiyang ingkang sabar."*
**Jamaah Jumat hafidzakumullah,**
Lajeng, kados pundi carane wujudaken lare ingkang sholeh, tangguh, lan bekti dumateng tiyang sepuh kados Nabi Ismail wonten ing jaman sakniki?
Jaman sakniki tantangane ageng sanget. Senajan manggen wonten ing deso, lare-lare sakniki sampun pinter dolanan HP, gampang kenal internet, lan pergaulan ingkang werna-werna. Kulo lan panjenengan minangka tiyang sepuh kadang mboten gadah wekdal utawi mboten gadah elmu agami ingkang cekap kagem ndidik lare piyambak wonten ing griya. Amargi awan sampun sayah nyambut gawe ning tegalan utawi sawah.
Pramila, solusi ingkang paling pener lan utami inggih meniko: **Titipaken lare-lare kito dumateng Madrasah lan para Kiai**. Lebetaken putra-putri kito wonten ing Madrasah Ibtidaiyah (MI), Madrasah Tsanawiyah (MTs), Madrasah Diniyah (Madin), TPQ, utawi Pondok Pesantren ingkang wonten ing desa kito.
Pendidikan Islam ing Madrasah meniko benteng pungkasan. Wonten ing Madrasah, lare mboten namung diwulang pinter maca nulis, nanging diwulang *unggah-ungguh*, akhlakul karimah, carane shalat ingkang leres, lan carane ngaji Al-Qur'an. Menawi tiyang sepuh mboten saged ngajari agama, monggo *pasrah bongkokan* dumateng para asatidz lan guru-guru ing Madrasah.
Ampun ngantos kito eman ngetokake ragad utawi biaya kagem nyekolahake lare teng Madrasah. Sedoyo biaya ingkang kulo lan panjenengan medalaken kagem pendidikan agama putra-putri kito, meniko dipun catet minangka sedekah jariyah ingkang amalane mboten bakal pedot senajan kito sampun kapundut dumateng ngarsane Gusti Allah. Anak ingkang sholeh ingkang saged ndongakake tiyang sepuh (*waladun sholihun yad’u lah*) niku asile saking pendidikan madrasah lan pesantren.
Monggo kito sengkuyung lan kito dukung madrasah-madrasah ingkang wonten ring lingkungan kito. Mugi-mugi kanti ikhtiar meniko, Gusti Allah swt tansah njagi kaluwarga kulo lan panjenengan sedoyo, ndadosaken putra-putri kito lare ingkang sholeh lan sholehah kados Nabi Ismail, sarta ngempalaken kito sedoyo wonten ing suwarganipun Gusti Allah. Amin ya Rabbal ‘Alamin.
بَارَكَ اللهُ لِيْ وَلَكُمْ فِيْ الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ الْآيَاتِ وَالذِّكْرِ الْحَكِيْمِ. وَتَقَبَّلَ مِنِّيْ وَمِنْكُمْ تِلَاوَتَهُ إِنَّهُ هُوَ السَّمِيْعُ الْعَلِيْمُ. وَقُلْ رَبِّ اغْفِرْ وَارْحَمْ وَأَنْتَ خَيْرُ الرَّاحِمِيْنَ.
## Khutbah II
اَلْحَمْدُ للهِ حَمْدًا كَثِيْرًا كَمَا أَمَرَ. أَشْهَدُ أَنْ لَا إِلٰهَ إِلَّا اللهُ وَحْدَهُ لَا شَرِيْكَ لَهُ، إِرْغَامًا لِمَنْ جَحَدَ بِهِ وَكَفَرَ. وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ، سَيِّدُ الْخَلَائِقِ وَالْبَشَرِ. اَللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ مَا اتَّصَلَتْ عَيْنٌ بِنَظَرٍ وَأُذُنٌ بِخَبَرٍ.
أَمَّا بَعْدُ: فَيَا أَيُّهَا النَّاسُ، اِتَّقُوا اللهَ تَعَالَى وَذَرُوا الْفَوَاحِشَ مَا ظَهَرَ وَمَا بَطَنَ. وَحَافِظُوْا عَلَى الطَّاعَةِ وَحُضُوْرِ الْجُمُعَةِ وَالْجَمَاعَةِ. وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ، وَثَنَّى بِمَلَائِكَةِ قُدْسِهِ، فَقَالَ تَعَالَى وَلَمْ يَزَلْ قَائِلًا عَلِيْمًا: إِنَّ اللهَ وَمَلَائِكَتَهُ يُصَلُّوْنَ عَلَى النَّبِيِّ، يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.
اَللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ. وَبَارِكْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ، فِيْ الْعَالَمِيْنَ إِنَّكَ حَمِيْدٌ مَجِيْدٌ.
وَارْضَ اللّٰهُمَّ عَنِ الْخُلَفَاءِ الرَّاشِدِيْنَ، أَبِيْ بَكْرٍ وَعُمَرَ وَعُثْمَانَ وَعَلِيٍّ، وَعَنْ بَقِيَّةِ الصَّحَابَةِ وَالتَّابِعِيْنَ، وَتَابِعِي التَّابِعِيْنَ لَهُمْ بِإِحْسَانٍ إِلَى يَوْمِ الدِّيْنِ، وَعَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ.
اَللّٰهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، اَلْأَحْيَاءِ مِنْهُمْ وَالْأَمْوَاتِ. اَللّٰهُمَّ أَعِزَّ الْإِسْلَامَ وَالْمُسْلِمِيْنَ، وَأَذِلَّ الشِّرْكَ وَالْمُشْرِكِيْنَ. اَللّٰهُمَّ ادْفَعْ عَنَّا الْغَلَاءَ وَالْوَبَاءَ وَالزَّلَازِلَ وَالْمِحَنَ، وَسُوْءَ الْفِتَنِ مَا ظَهَرَ مِنْهَا وَمَا بَطَنَ، عَنْ بَلَدِنَا إِنْدُوْنِيْسِيَّا خَاصَّةً وَعَنْ سَائِرِ بِلَادِ الْمُسْلِمِيْنَ عَامَّةً يَا رَبَّ الْعَالَمِيْنَ.
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا. رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ.
عِبَادَ اللهِ، إِنَّ اللهَ يَأْمُرُ بِالْعَدْلِ وَالْإِحْسَانِ وَإِيْتَاءِ ذِي الْقُرْبَىٰ وَيَنْهَىٰ عَنِ الْفَحْشَاءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ، وَاشْكُرُوْهُ عَلَى نِعَمِهِ يَ
زِدْكُمْ، وَلَذِكْرُ اللهِ أَكْبَرُ.
